عمرو سعد: مصطفى شعبان عنده وســــواس ومافيش حاجة مشتركة بيني وبين أخويا أحمد
حل الفنان عمرو سعد، ضيفا في سلسلة حلقات “في البوكس” مع “Gossips“، المذاع على موقع الفيديوهات “يوتيوب”، وتحدث خلال الحلقة عن علاقته بشقيقه أحمد سعد، وعن الصفات التي ورثها أبناؤه منه، وكذلك رأيه في بعض الفنانين.
عمرو سعد: مصطفى شعبان عنده وســـواس
وقال سعد، في تصريحاته خلال البرنامج: “مصطفى شعبان عنده وســـواس.. طول الوقت المعلقة تكون في مياه بتغلي ونضافة جامدة والأكل يكون متغطي.. لو عرف أن في حد في اللوكيشن عنده برد أو حاجة ميبقاش مبسوط وعايز يلبس كمامتين فوق بعض”.
وأضاف سعد: “لا توجد صفات مشتركة بيني وبين شقيقي أحمد، غير والدي ووالدتي وأشقائي، لذلك نحن أصدقاء ونكمل بعضنا البعض: “إحنا غير بعض تماما، بس هو طبعا بيحاول يبقى زيي عشان أنا عظيم وعالمي”.
كشف الفنان عمرو سعد جوانب من علاقته بشقيقه أحمد سعد، مؤكدًا أنه ينصحه بألا ينصحه، ويقول له دائمًا «كنت نفعت نفسك».
وتابع: «سر ثبات شكلي ووزني؟ الكسل، أنا بســ قط وفي أيام بتعدي مني في التفكير، دي أيام مش محسوبة من عمري».
وتحدث عن اهتمامه بالرياضة مؤخرًا قائلًا: «فورمة العضلات كانت الأول لما أعمل دور، دلوقتي بقت جزء من حياتي، لأن الممثل لازم طول الوقت يكون جســ مه فايق».
وعن حياته قبل الفن تحدث قائلًا: «حضرت العرض الخاص لفيلم (المصير) ببدلة صاحبي ضياء. بدلة ضياء لفت في أفراح وعزا، ومش أنا لوحدي اللي أستلفتها ومعرفش مين رفضني في لجنة معهد السينما، وكان عندي ثقة عمياء إني نجحت».
وعن ذوقه في الملابس تحدث قائلًا: «لا يمكن ألبس على ذوق حد، بالبس حسب دماغي وذوقي بيتغير طول الوقت».
وعن محاولاته في الغناء أجاب: «أول مرة حاولت أغني كانت على مسرح مدرسة بنات في أولى إعدادي، وفضلت ساكت لحد ما واحد قال فين أم الولد ده تاخده».
واستطرد: «مؤخرا بدأت أهتم باليوجا والتأمل، وده بيحققلي تسامح مع الناس وتصالح مع الذات».
